Дуслар! Без яңа проектыбыз - спектакльләр видеоязмасы трансляцияләрен үстерүдә үзләреннән өлеш керткән һәр тамашачыга зур рәхмәтебезне җиткерәбез. Безнең өчен бу бик мөһим.
Апрель аенда барлыгы 260 мең сумга 4200 билет сатылган. 31 билет алган иң актив тамашачы - Фәнил Гафиатуллин. Ә бер билет өчен 3000 сум түләгән иң юмарт тамашачы - Айрат Бәширов. Без Сезгә зур рәхмәтебезне җиткерәбез! Карантин беткәннән соң Сезне, һичшиксез, бүләкләячәкбез.
Шунысы да мөһим, онлайн спектакльләребезне Республикабыздан читтә яшәүчеләр дә яратып карый. Трансляциягә билетларны чит илләрдән - Финляндия, АКШ, Франция һәм Германиядә яшәүче тамашачыларыбыз, ә Россия буенча Мәскәү, Самара, Ульяновск, Түбән Новгород өлкәсе, һәм Башкортостан Республикасында яшәүчеләр алган.