Г.Камал исемендәге Татар дәүләт Академия театры беренче мәртәбә Бухарест шәһәрендә (Румыния) Fest(in) on the Boulevard Халыкара фестивалендә катнаша. Бүген камаллылар режиссер Фәрит Бикчәнтәевның Йон Фоссе әсәре буенча куелган "Җәйнең бер көнендә" спектаклен уйный. Камал театры әлеге фестивальдә Россия театрларыннан бердән-бер катнашучы. Катнашучылар арасында Германия, Израиль, Болгария, Венгрия һәм Румыния театрлары бар.
Быел фестиваль 7нче мәртәбә үткәрелә. Fest(in) on the Boulevard 2013 елда Nottara румын театры тарафыннан оештырыла. Казан тамашачысына әлеге театр, быелгы Төрки халыкларының XIV "Нәүрүз" Халыкара театр фестиваленең хэдлайнеры булган - «Moliere» спектакле аша таныш.

СЮЖЕТ ТК "ТНВ"