23 мартта Камал театры үзенең ютуб-каналында татар театры тарихындагы иң яхшы спектакльләренең видеоязмаларын элде. Берничә көннән исемлеккә тагын 5 спектакль өстәлде. Театр сөючеләр архивтагы легендар спектакльләрне бушка карау бәхетенә иреште. Бер атна эчендә әлеге спектакльләрне 90 000 артык кеше карады. Чагыштыру өчен - театрның ютуб-каналында бер ел дәвамында караучылар саны якынча шулкадәр үк була иде! Иң популяр спектакльләр - "Әлдермештән Әлмәндәр", "Мулла", "Йөзек кашы" - аларның һәркайсын 14 меңнән артык кеше караган. Театрның ютуб-каналына язылучылар саны 5 тапкырга артты һәм 5 мең кеше булды.

Камал Театры архивтагы спектакльләрен курсәтү белән генә чикләнеп калмый. 8 апрельдә репертуардагы спектакльләр онлайн күрсәтелә башлый. Бу хакта тулырак.