Казанда IV Город АРТ-Подготовка узды. Әлеге проект кысаларында Санкт-Петербургтан килгән яшь режиссер Евгения Беркович (Гоголь-центр) Камал театры актерлары белән Камал театры архив материалларына нигезләнгән «Заман тавышларын тыңлаганда» спектакленең эскиз-спектаклен куйды. Спектакль 4 июньдә 19.00 сәгатьтә Камал театрының Кече сәхнәсендә узды.
Эскиз-спектакльдә Россиянең һәм Татарстанның халык артисты Әзһәр Шакиров, Россиянең атказанган, Татарстанның халык артисты Айдар Хафизов, Татарстанның халык артистлары Венера Шакирова, Фәридә Сафина, Фуат Әбүбәкеров, Татарстанның атказанган артистлары Гүзәл Шакирова, Әхмәт Кәримов, театрның яшь актерлары Ришат Әхмәдуллин, Гүзәл Гюльвердиева, Айгөл Миңнуллина һәм КДМИ студентлары катнашты. 
Камал театры "Город АРТ-подготовка" һәм "Живой город" Фонды проектларының даими катнашучысы. Былтыр Италия режиссеры Алессандра Джунтини Камал театры актерлары белән И.Вырыпаев әсәре буенча "Иллюзии" спектакленең эскизын куйган иде.