Казанда “Һөнәр” IX Бөтенроссия яшь режиссура фестивале тәмамланды. Фестивальнең алтынчы көнендә өч спектакль күрсәтелде: "Агачлар үскән вакыт", "Дуракуены" һәм "Микәй белән Айсылу".
Казанда “Һөнәр” IX Бөтенроссия яшь режиссура фестивале тәмамланды. Фестивальнең алтынчы көнендә өч спектакль күрсәтелде: "Агачлар үскән вакыт", "Дуракуены" һәм "Микәй белән Айсылу".
Исегезгә төшерәбез, IX «Һөнәр» Бөтенроссия яшь татар режиссурасы фестивале Казанда 9-14 декабрь көннәрендә узды.
Фестиваль турында:
«Һөнәр» яшь татар режиссурасы фестивале 2009 елда Фәрит Бикчәнтәев укыткан режиссёрлар курсының (Э.Талипов, Л.Әхмәтова, А.Гаффаров, Д.Сәмирханов) диплом эшләре смотры буларак оештырылды. Әзерлек барышында фестиваль афишасына Татарстанның тагын берничә яшь режиссёры куйган спектакльләрне кертергә дигән карар кабул ителде. Әлеге чара бер генә тапкыр үткәрелергә планлаштырылды һәм аның төп максаты яшь режиссёрларны театрларга тәкъдим итү, алар белән таныштыру иде. Әмма фестивальнең киң җәмәгатьчелектә яңгыраш табуы, Казан тамашачысының яшь режиссёрлар куйган спектакльләргә ихтыяҗы һәм аның һичшиксез уңыш белән узуы оештыручыларда «Һөнәр»не ел саен декабрь аенда үткәрергә кирәк, дигән фикер уятты.
