Бүген, 17 сентябрьдә, ТР мәдәният министры Ирада Әюпова ТДАТның «Шәрыкъ клубы» татар театры тарихы интерактив мультимедиа комплексында булды.
Ирада Хафизҗан кызына комплексның түбәндәге экспозицион зоналары буенча экскурсия уздырдылар:  (театрның видео елъязмасы белән экран-дивар), спектакльләрдән AR-открыткалар, «Сәхнә арты» (театр буенча виртуаль экскурсия, грим, костюм бүлмәләре), «Серле сәхнә» (үз-үзеңне артистлар янында сәхнәдә булу тойгысы бирүче инсталляция), «Театр. Тарих. Шәхес» (милли театр сәнгатен формалаштыруга зур өлеш керткән шәхесләр һәм тарихи вакыйгалар турында интерактив проекцион китап), интерактив «Пазл».
Музейның адресы: Татарстан ур., 8. Музейның эш вакыты: 13:00 дән 21:00гә кадәр. Экскурсиянең озынлыгы 60-80 минут.
Билет бәясе 300 сум.

Билетларны kamalteatr.ru сайтында, «Шәрык клубы» (200-12-37) һәм театр кассаларында (293-03-74) алырга мөмкин.