Бүген Татарстан Республикасы Премьер-министры Алексей Песошин «Театральное Приволжье» фестиваленең регион этабында җиңү яулаган "Парковка" спектакленең язмасын карады. «Парковка» спектаклендә Казан дәүләт мәдәният институтында белем алучы Камал театрының баш режиссеры Фәрит Бикчәнтәев курсы студентлары уйный. Пьеса авторы Сөмбел Гаффарова, режиссер - Олег Кинҗәгулов. Спектакль Камал театрында ай саен сишәмбе көннәрендә күрсәтелүче #Сишәмбекөнкичбелән проектының бер өлеше булып тора.

Фестиваль финалына Татарстаннан Георгий Хугаев пьесасы буенча «Жил-был пес» балалар спектакле чыкты. Спектакльне Чаллының 61нче гимназиясеннән «РИФ» театр студиясе тәкъдим итте.

• «Театраль Идел буе» проекты яшьләрне театр мохитенә җәлеп итүгә, патриотик, гуманистик кыйммәтләр булдыруга һәм яшьләр театр сәнгатен үстерү өчен яңа этәргеч бирүгә юнәлдерелгән.

• Төбәк этабында 483 коллектив катнашты. Җиңүче спектакльләрнең видеоверсияләре фестивальнең рәсми сайтында бастырылган.