Бүген, 25 гыйнварда, Уфа “Нур” татар дәүләт театры директоры, Башкортстанның атказанган мәдәният хезмәткәре Фирзәт Габидуллин Г. Камал ис. Татар дәүләт академия театры директоры Илфир Якупов башлыгындагы делегацияне кабул итте. Эшлекле очрашуның төп максаты – 2021 елның сентябрь аенда алмаш гастрольләр турында сөйләшү иде. Камал театры делегациясе составында: Илфир Якупов – театрның директоры, Рәнис Сәхибуллин – тамашачыларны оештыру эшләре буенча директор урынбасары, Татарстанның атказанган мәдәният хезмәткәре, Илназ Хәйбуллин – спектакльне хезмәтләндерү һәм чыгару бүлеге мөдире, Илшат Аминов - яктырту бүлеге җитәкчесе, Рамазан Исламов - видео бүлеге җитәкчесе килгәннәр иде. Бүгенге очрашуда шулай ук “Нур” театрының баш режиссеры, Башкортстанның халык артисты Азат Җиһаншин да катнашты.
Бүген, 25 гыйнварда, Г.Камал исемендәге Татар дәүләт Академия театры җитәкчеләре эшлекле сәфәр белән Уфага барды. Илфир Якупов җитәкчелегендәге театр делегациясе Уфа "Нур" татар дәүләт театры җитәкчеләре белән 2021 елның сентябрендә үтәчәк алмаш гастрольләр хакында сөйләште.
Соңрак Илфир Ильшат улы, "Нур" театры директоры Фирзәт Гыйбадуллин һәм Башкорт драма театры директоры Иршат Фәйзуллин Башкортстан республикасы Мәдәният министры Әминә Шәфикова һәм министр урынбасары Ранис Алтынбаев белән очраштылар. Очрашуда 2021 елда мәдәният өлкәсендәге эшчәнлек планнары хакында фикер алышынды.
