Бүген, 28 ноябрьдә, Татарстан Республикасы президенты Рөстәм Миңнеханов мәдәният һәм сәнгать эшлеклеләренә Россия Федерациясе һәм Татарстан Республикасының дәүләт бүләкләрен, мактаулы исемнәрен тапшырды. Тантаналы чара Казан Кирмәнендә үтте.

Г.Камал исемендәге Татар дәүләт Академия театры артистлары Эмиль Талипов, Илнур Закиров "Татарстанның атказанган артисты" исеменә лаек булдылар. Театр фотографы Риф Якупов "ТР атказанган сәнгать эшлеклесе", ә музыка бүлеге җитәкчесе  Фоат Әбүбәкеров "Татарстан Республикасы каршындагы уңышлары өчен" медале белән бүләкләнде.