касса театра
8 (843) 222-88-22язык сайта
5 элементов
Бүген Г.Камал исемендәге Татар дәүләт академия театрының Зур сәхнәсендә танылган татар драматургы Илгиз Зәйниев пьесасы буенча режиссер Айдар Җаббаров куелышында "Ситса туй" спектакленең премьерасы булды. ТР Дәүләт Советы Рәисе Фәрит Мөхәммәтшин һәм аның хатыны спектакльнең хөрмәтле кунаклары булдылар.
"Пьесаның темасы бик заманча һәм актуаль - бу гаиләне, гаилә традицияләрен һәм кыйммәтләрен саклау мәсьәләләре, - дип билгеләп үтте парламент башлыгы Фәрит Мөхәммәтшин тәнәфес вакытында журналистлар белән әңгәмәдә. - Театрның иҗади коллективына тамашачыны күп кенә сорауларга җавап эзләргә мәҗбүр итүче спектакль өчен рәхмәт".
"Ситса туй" спектакле зур уңыш белән үтә. Тамашачылар актерлар басып алкышладылар, сәхнә чәчәкләр белән тулды. Фәрит Мөхәммәтшин исеменнән чәчәкләр кәрзине чыгарылды.
Илгиз Зәниев пьесасында да дүрт яшь пар үзләренең ситса туйлары көнендә көтмәгәндә аерылышыр дәрәҗәгә җитә! Һәр гаиләнең үз нечкәлекләре, каршылыклары һәм сынаулары...
Ни өчен бер-берсен яраткан парлар кинәт кенә аңлаша алмый башлый? Нигә гаилә тормышында "зур проблемалар", "җиңеп чыгып булмастай каршылыклар" килеп туа? Спектакль авторлары шулар турында уйланырга мәҗбүр итә.
Әлеге спектакльне шулай ук 12, 15, 16 сентябрь, 8 һәм 28 октябрьдә карап була.
Касса: (843) 293-03-74
Фотогалерея
