Бүген, 20 февральдә, "Нур" Уфа дәүләт татар театрында Г.Камал исемендәге Татар дәүләт Академия театры гастрольләре ябылу тантанасы булды. Сәхнәдән сәламләү сүзләре белән Татарстан Республикасы Мәдәният министры Ирада Әюпова һәм Башкортстан Республикасы Мәдәният министры Әминә Шәфыйкова чыгыш ясады. Җитәкчеләр даими гастрольләрнең халыкара мөнәсәбәтләрдә һәм республикара дуслыкта мөһим роль уйнавын ассызыклап үттеләр. Гастрольләр 113нче сезон премьерасы - Илгиз Зәйниевның "Бию Пәрие" спектакле белән ябылды.
Бүген, 20 февральдә, "Нур" Уфа дәүләт татар театрында Г.Камал исемендәге Татар дәүләт Академия театры гастрольләре ябылу тантанасы булды. Сәхнәдән сәламләү сүзләре белән Татарстан Республикасы Мәдәният министры Ирада Әюпова һәм Башкортстан Республикасы Мәдәният министры Әминә Шәфыйкова чыгыш ясады. Җитәкчеләр даими гастрольләрнең халыкара мөнәсәбәтләрдә һәм республикара дуслыкта мөһим роль уйнавын ассызыклап үттеләр.
Камал театры артистлары, Татарстанның атказанган артистлары Илтөзәр Мөхәммәтгалиев, Миләушә Шәйхетдинова һәм Минвәли Габдуллинга Башкортстан Мәдәният министрлыгының рәхмәт хатлары тапшырылды. Шулай ук Камал театры коллективына да регионара эшчәнлекне үстерү һәм БР белән ТР арасындагы театраль сәнгать өлкәсендәге иҗади алмашлар практикасын киңәйтү өлкәсендә башкарылган эшләр өчен Башкортстан Дәүләт Корылтаеның рәхмәт хаты тапшырылды.
Гастрольләр 113нче сезон премьерасы - Илгиз Зәйниевның "Бию Пәрие" спектакле белән ябылды.
