Камал театры 116 сезонын ачты
Шимбә 02.10.2021
Кичә Г.Камал исемендәге Татар дәүләт Академия театры К.Тинчуринның “Зәңгәр шәл” спектакле белән 116нчы сезонын ачты.
Театраль сезон ачылу театр сөючеләр өчен һәрвакыт үзенчәлекле вакыйга – чөнки алар бу көнне 3 ай буена зарыгып көтеп алалар.
Сезонны “Зәңгәр шәл” спектакле белән ачу һәм ябу – камаллыларның гадәткә кергән традициясе. Бу гадәти спектакль генә түгел, ә театрның “визит карточкасы”. Әлеге куелышта театрның бөтен труппасы, хәтта, труппа гына да түгел, күмәк сәхнәләрдә артистларның балалары, сәхнә эшчеләре, театрның җиһазчылары да катнаша.
