Бүген Татарстан Республикасының Россия Федерациясендәге Тулы вәкаләтле вәкиллеге җитәкчеләре Г.Камал исемендәге Татар дәүләт Академия театры актерлары белән очраштылар. Вәкиллек хезмәткәрләре татар театрының легендар актерлары белән дустанә мохиттә очрашу мөмкинлегенә ия булды. Алар арасында Россиянең һәм Татарстанның атказанган сәнгать эшлеклесе, театрның баш режиссеры Фәрит Бикчәнтәев, театрның директоры Илфир Якупов, Россиянең һәм Татарстанның халык артисты Равил Шәрәфиев, Россиянең атказанган, Татарстанның халык артисткасы Наилә Гәрәева, Татарстанның халык артистлары Фирая Әкбәрова, Рамил Төхвәтуллин, Илсөя Төхвәтуллина, Люция Хәмитова, Татарстанның атказанган артистлары Фәнис Җиһанша, Минвәли Габдуллин, Гөлчәчәк Гайфетдинова, Гүзәл Шакирова һәм яшь артистлар - Ришат Әхмәдуллин, Раил Шәмсуаров.

Очрашу башланганда ТРның РФдагы Тулы вәкаләтле вәкиле Равил Әхмәтшин кунакларга вәкиллеккә килүләре өчен рәхмәт белдерде. Шулай ук Р.Әхмәтшин кунакларга Тулы вәкаләтле вәкиллек эшчәнлеге, нинди зур чаралар үткәрелүе, киләчәккә планнар турында сөйләде.

Илфир Якупов һәмФәрит Бикчәнтәев Вәкаләтле вәкиллекә гастрольләр оештыруда ярдәм иткән өчен чын күңелдән рәхмәт сүзләре җиткерде.