Бүген Төркия дәүләт театрында (Анкара шәһәре) Г.Камал театрының баш режиссеры Фәрит Бикчәнтәев куелышында "Гонзагоны үтерү" спектакленең премьерасы булды. Пьесаның авторы Болгар драматургы - Недялко Йорданов. Спектакльнең сценографы сспектакльнең режиссеры белән даими эшләүче, Г.Камал театрының баш рәссамы Сергей Скоморохов.

Төркиядә премьераны шулай ук Камал театры директоры Илфир Якупов һәм ТР мәдәният министры урынбасары Дамир Натфуллин да карады.

Фәрит Рәфкать улын премьера белән чын күңелдән котлыйбыз, уңышларыгыз белән горурланабыз һәм кайтуыгызны түземсезлек белән көтәбез!