Камал театрының сәхнә арты: мең дә бер костюм һәм түбәдән күренеш
Якшәмбе 27.06.2021
25 июньдә Г.Камал театрында Татарстан республикасы мәдәният министры Ирада Әюпова, театр директоры Илфир Якупов блогерлар, журналистлар белән очрашты һәм киләсе елда театрда, музейда, гомумән республика мәдәниятендә нинди яңалыклар көтеләчәге хакында сөйләде. Аннары кунакларга сәхнә арты сәяхәте оештырылды: Нияз Игъламов тегү, бутафорлар һәм костюмнар цехлары белән таныштырды. Театрда ничә костюм бар дигән сорауга: "мең дә бер" - дип шаяртты. Соңрак кунакларны театр түбәсенә алып менделәр - түбәдән шәһәр искиткеч матур күренә.