Бичара кыз.../ Несчастная девушка... /Театраль экскурсия / Театрализованная экскурсия
Автор: Габдрахман Ильяси
12+
22 декабрьдә татар театры туган көнен билгеләп үтә. Милли театр сәнгатенең 115 еллыгы уңаеннан Г. Камал театры тамашачыларын премьерага чакыра!
XX йөз башы татар интеллегенциясе "Шәрык клубы" берләшмәсенең тарихи бинасында, 1911 елдан башлап «Сәйяр» беренче татар профессиональ труппасы уйнаган театр залында беренче татар драматургы Габдрахман Ильясиның «Бичара кыз» пьесасы буенча куелган спектакльнең премьерасы күрсәтелә.
Гүзәл Мәгыйтабның надан Җантимергә кияүгә чыгудан котылу тарихы театрның яшь артистлары тарафыннан уйнала. Алар, фантизияга бирелеп, беренче эчкерсез театраль тәҗрибәләрнең ясалма патетикасын, ихласлыгын тоеп, күзаллап, шуны тамашачыларга җиткерергә тырышачак.
