Малай, Бүре һәм Шомбай/ Мальчик, Волк и Шомбай

Автор: Фәнис Җиһанша

Декабрьдә Г.Камал театры яшь тамашачыларын халык әкиятләре буенча куелган «Малай, Бүре һәм Шомбай» музыкаль әкияте премьерасына чакыра. Спектакльдәге классик һәм заманча, татар һәм дөнья музыкасын театр оркестры башкара. 

Борын-борын заманда бер тылсымлы илгә көз килеп кунаклый. Вакытлар узу белән матур сары яфраклар очып китә, караңгы болытлар күк буйлап сузыла, моңсу яңгыр сибәли, җил сызгыра башлый. Ә мондый көндә күлләвекләр буйлап йөгерү бер дә рәхәт түгел...һәм боларның барысына да явыз, мәкерле Дию гаепле. Чөнки ул җир йөзендәге иң төп тылсымчыны урлап, үзендә яшереп тота. Бары тик Кыш Бабай гына вакыт агышын һәм ел фасылларының чиратын көйләп Яңа ел җитүе турында игълан итә ала. Димәк, ничек тә тылсымчыны коткарырга кирәк. 

Бу эшкә тапкыр Шомбай алына! Нәкъ менә ул әкияти хөкүмәт тарафыннан Кыш бабайны эзләү һәм гадәттән тыш әкияти вәзгыятьне бетерү буенча җаваплы итеп билгеләнә. Әмма көтмәгәндә Шомбай, адашып, сәхнәгә менә. Ә анда симфоник музыка концерты башланырга тиеш икән… 

Алга таба ни булыр? Кыш бабайны эзләү һәм коткару тарихында малай һәм Бүре нинди роль уйнар? Концерт өзелмәсме? Бу хакта кечкенә һәм өлкән тамашачылар театрга килгәч беләчәк…