Гайфетдинова Гөлчәчәк Мансур кызы 1982 елның 12 декабрендә Татарстанның Апас районы Борындык авылында туа. 2005 елда Казан дәүләт мәдәният һәм сәнгать университетын тәмамлагач, Уфа дәүләт татар «Нур» театрында эшли башлый. 2006 елдан —Татар академия театрында. Студент вакытта ук Камал театры спектакльләрендә күмәк күренешләрдә катнаша.

Академия театрында беренче рольләре: Кәшифә, Назимә — «Телсез күке» (З.Хәким); Зәйнәп - «Гөлҗамал» (Н.Исәнбәт); Гөлнур – «GO! Баламишкин» (Ф.Бүләков); Айсылу – «Дивана» (Т.Миңнуллин).