Театр репертуарында: 2013-2014.

Моноспектакль – бер генә артист катнашындагы спектакль – Камал театры өчен сирәк күренеш.

Төп һәм бердәнбер рольне башкаручы Хәлимә Искәндәрова гомер буе Тәңкәбикәне уйнарга хыялланган. «Һәрбер артистның, уйнарга хыялланып та, тормышка ашмаган берәр роле була. Минем өчен Миңа бу әсәр бик ошады һәм мин иҗади тәкъдим белән театр директорына мөрәҗәгать иттем. Август аенда миңа Рамил Гәрәев шалтыратты һәм без эшли башладык, – дип, сөйли Искәндәрова. – Минем героиня гомере азагында артына борылып карый, әсәрдә әйтелгәнчә, “Гомер йомгагын сүтә”. Ләкин аны хәтирәләр газаплыйлар… Тик шулай да, ул үзендә көч таба һәм, барысына нәтиҗә ясап, мәңгелеккә тыныч күңел белән китә».

Моноспектакльләр - театрлар афишасында сирәк очрый торган күренеш. Гадәттә ул артистларның мөстәкыйль эшләре буларак тәкъдим ителә. Камал театры да мондый экспериментлардан читтә кала алмый. Моноспектакльләрнең уңышы башкаручы артистның ни дәрәҗәдә шәхес булуыннан, иҗади талантыннан тора, - дигән гыйбарә яши. Шулай да, бер генә артист катнашындагы спетакльне куюда режиссерның өлешен төгәл генә бәяләү кыен. Биредә аның хезмәте гадәти спектакльләр куелышындагы кебек аерым-ачык ярылып ятмый, ләкин ул кирәк һәм мөһим. «Мин ана»  - яшь режиссер Рамил Гәрәевның искиткеч талантлы һәм белемле өлкән буын артисткасы Хәлимә Искәндәрова белән берлектә эшләгән беренчел шундый тәҗрибәсе.