Җәйге ялдан соң труппа җыелышы (фоторепортаж)
Сишәмбе 10.08.2021
Бүген, 10 августта, җәйге ялдан соң Камал театры җитәкчелекчеләре, артистлар һәм хезмәткәрләр 116-нчы сезонга планнар билгеләү өчен театрның Зур залына җыелды.
Театрның баш режиссеры Фәрит Бикчәнтәев ял вакытында хезмәттәшләрен инде сагынып та өлгерүен әйтте. Ул коллективның тулылануы турында сөйләде. «Бу сезоннан бездә яңа артистлар. Сез аларның барысын да бик яхшы беләсез", - диде Фәрит Рәфкатович һәм актерлар труппасының яңа әгъзаларын, Казан дәүләт мәдәният университетының актерлык бүлеген тәмамлаучыларны тәкъдим итте. Алар-Ләйсән Гатауллина, Рәйхан Габдуллина, Эльза Моратхуҗина, Рәдиф Галимов, Зөфәр Нуртдинов.
Моннан тыш, театр хезмәткәрләре Татарстан Республикасы Мәдәният министрлыгының Рәхмәт хатлары һәм Мактау грамоталары белән бүләкләнде.