БИЮ ПӘРИЕ / ОЧАРОВАННЫЙ ТАНЦЕМ
До начала осталось:
БИЮ ПӘРИЕ / ОЧАРОВАННЫЙ ТАНЦЕМ
00
дней
:
00
часов
:
00
минут
:
00
секунд
0

Гәрәева Наилә Хәким кызы

Татарстанның Г.Тукай исемендәге Дәүләт бүләге лауреаты — 1967,Татарстанның халык артисты — 1976, Россиянең атказанган артисты - 2010.



Гәрәева Наилә Хәким кызы 1940 елның 18 ноябрендә Казан шәһәрендә туа. 1961 елда В.Качалов исемендәге Зур драма театры каршындагы студияне тәмамлый һәм Татар академия театрында эшли башлый. Лирик пландагы танылган артистка. Беренче чорда яшь кызлар, соңыннан төрле характердагы драматик һәм комик образлар иҗат итә. Аның талантына трагизм белән сугарылган тирән, тынгысыз тойгылар, драматик кичерешләр хас. Геройлары нәзакәтле, күтәренке рухлы, шигърилекләре белән сәхнәдә аерым бер мохит тудыралар.

Рольләре: Рәхилә — «Беренче мәхәббәт», Рәмзия — «Күк капусы ачылса» (Х.Вахит); Зөбәйдә — «Зөбәйдә — адәм баласы», Әни — «Әни килде» (Ш.Хөсәенов); Зөбәрҗәт — «Ай тотылган төндә» (М.Кәрим); Әсәл — «Гүзәлем Әсәл» (Ч.Айтматов); Гөлтәкин — «Айдын» (Җ.Җаббарлы); Изабелла — «Чамасына күрә чарасы», Джульеттаның сөт анасы — «Ромео һәм Джульетта» (В.Шекспир); Бибкәйнур — «Кыю кызлар» (Т.Гыйззәт); Энҗе — «Кол Гали» (Н.Фәттах); Миләүшә — «Дуслар җыелган җирдә», Миләүшә — «Хушыгыз!», Надия — «Монда тудык, монда үстек», Сәлимә — «Шәҗәрә» (Т.Миңнуллин); Алия — «Ләйсән ире Хәсән» (Ю.Сафиуллин); Күрше — «Бичура» (М.Гыйләҗев); Сабира — «Зәңгәр шәл», Шәмсия — «Казан сөлгесе» (К.Тинчурин); Шамбодэ — «Тол ханымда тукталыш» (Э.Лабиш); Меме — «Гаугалы гаилә» (Эд. де Филиппо); Гоша — «Мәхәббәт хатирәсе», Бибинур – «GO! Баламишкин» (Ф.Бүләков); Ануш — «Ханума» (А.Цагарели); Анфиса — «Өч сеңел» (А.Чехов); Абруй — «Мәхәббәт турында сөйләшик» (И.Зәйниев) һ.б

.

КИТАП

«НАИЛӘ ГӘРӘЕВА. ЯЗМЫШЫМА РӘХМӘТ». Әдәби-нәфис басма


ПРЕССА

МӘХӘББӘТ САБЫРЛАРНЫ ЯРАТА. "Сөембикә" журналы. 09.03.2016 ел.


Театрның яңалыкларын белү өчен, рассылкага язылыгыз
Ошибка, введите корректный адрес