РусТатEng

КАМАЛЛЫЛАР ЯР ЧАЛЛЫ ШӘҺӘРЕНЕҢ 2НЧЕ ГИМНАЗИЯСЕ УКУЧЫЛАРЫ БЕЛӘН ОЧРАШТЫЛАР

Бүген, 16 февральдә, Камал театрының директоры Илфир Якупов, Татарстанның атказанган артистлары Хәлимә Искәндәрова, Олег Фазылҗанов, Фәнис Җиһанша, Фәнис Сафин һәм театрыбызның яшь актерлары Ирек Кашапов, Алмаз Гәрәев, Артур Шайдуллин, Фәннүр Мөхәммәтҗанов һәм Айгөл Абашева Яр Чаллы шәһәренең Мулланур Вахитов исемендәге 2нче татар гимназиясе укучылары белән очраштылар. 
Артистлар һөнәрләренең нечкәлекләре белән уртаклаштылар һәм үзләренең сәхнә эшчәнлекләре турында сөйләделәр. Очрашу сорау-җавап рәвешендә дәвам итте, иң активларга истәлекле сувенирлар тапшырылды. Очрашуда гимназиянең 70дән артык укучысы катнашты. 
Исегезгә төшерәбез, 14-21 февралендә Г.Камал исемендәге Татар дәүләт Академия театры (Казан шәһәре)  традиция буенча Яр Чаллы һәм Түбән Кама шәһәрләренә гастрольләр белән килә. Гастрольләр афишасында 5 спектакль, шуларның 3 премьера. Билетлар инде сатуда, аларны Камал театры сайтында "Афиша-Гастрольләр" сәхифәсендә алып була. 
Пәнҗешәмбе 16.02.2017
0
Подпишитесь на рассылку, чтобы быть в курсе новостей театра