РусТатEng

КАМАЛЛЫЛАР ЯР ЧАЛЛЫ ШӘҺӘРЕНЕҢ 54НЧЕ ТАТАР ГИМНАЗИЯСЕ УКУЧЫЛАРЫ БЕЛӘН ОЧРАШТЫЛАР

Бүген, 15 февральдә, Камал театрының директоры Илфир Якупов, Татарстанның атказанган артистлары Олег Фазылҗанов, Фәнис Җиһанша, Фәнис Сафин һәм театрыбызның яшь актеры Фәннүр Мөхәммәтҗанов Яр Чаллы шәһәренең 54нче Татар гимназиясе укучылары белән очраштылар. Артистлар һөнәрләренең нечкәлекләре белән уртаклаштылар һәм үзләренең сәхнә эшчәнлекләре турында сөйләделәр. Очрашу сорау-җавап рәвешендә дәвам итте, иң активларга истәлекле сувенирлар тапшырылды.  Очрашуда гимназиянең 100дән артык укучысы катнашты.

Исегезгә төшерәбез, 14-21 февралендә Г.Камал исемендәге Татар дәүләт Академия театры (Казан шәһәре)  традиция буенча Яр Чаллы һәм Түбән Кама шәһәрләренә гастрольләр белән килә. Гастрольләр афишасында 5 спектакль, шуларның 3 премьера. Билетлар инде сатуда, аларны Камал театры сайтында "Афиша-Гастрольләр" сәхифәсендә алып була. 
Чәршәмбе 15.02.2017
0
Подпишитесь на рассылку, чтобы быть в курсе новостей театра