РусТатEng

ТАТАРСТАН РЕСПУБЛИКАСЫНЫҢ РОССИЯ ФЕДЕРАЦИЯСЕНДӘГЕ ТУЛЫ ВӘКАЛӘТЛЕ ВӘКИЛЛЕГЕ ҖИТӘКЧЕЛӘРЕ ҺӘМ КАМАЛ ТЕАТРЫ АКТЕРЛАРЫ ОЧРАШТЫ

Бүген Татарстан Республикасының Россия Федерациясендәге Тулы вәкаләтле вәкиллеге җитәкчеләре Г.Камал исемендәге Татар дәүләт Академия театры актерлары белән очраштылар. Вәкиллек хезмәткәрләре татар театрының легендар актерлары белән дустанә мохиттә очрашу мөмкинлегенә ия булды. Алар арасында Россиянең һәм Татарстанның атказанган сәнгать эшлеклесе, театрның баш режиссеры Фәрит Бикчәнтәев, театрның директоры Илфир Якупов, Россиянең атказанган, Татарстанның халык артисты И.Хәйруллин, Татарстанның халык артистлары Ф.Әбүбәкеров, Ә.Хисмәтов,И.Габдрахманов, Р.Юкачева, Ф.Сафина, Татарстанның атказанган артистлары М.Габдуллин, Р.Вәҗиев, О.Фазылҗанов, Ф.Сафин һәм Ришат Әхмәдуллин.

Очрашу башланганда ТРның РФдагы Тулы вәкаләтле вәкиле Равил Әхмәтшин кунакларга вәкиллеккә килүләре өчен рәхмәт белдерде. Шулай ук Р.Әхмәтшин кунакларга Тулы вәкаләтле вәкиллек эшчәнлеге, нинди зур чаралар үткәрелүе, киләчәккә планнар турында сөйләде.

Илфир Якупов, үз чиратында, Вәкаләтле вәкиллекә гастрольләр оештыруда ярдәм иткән өчен чын күңелдән рәхмәт сүзләре җиткерде. "Гастрольләр- артистларның сәхнәдә чыгыш ясаулары гына түгел, театрның килүе күп оештыру сораулары белән бәйле. Бу декорацияләрне алып килү, тамашачыларга хәбәрне җиткерү һ.б. Ярдәмегез өчен рәхмәт!"-диде театрның директоры.

Исегезгә төшерәбез, 12-18 гыйнварында Россиянең Дәүләт академия Малый театрында Камал театры соңгы елларда куелган 7 премьерасын күрсәтәчәк. Гастрольләр Россия Федерациясе һәм Татарстан Республикасы Мәдәният министрлыклары ярдәме белән үтә.

Дүшәмбе 16.01.2017
0
Подпишитесь на рассылку, чтобы быть в курсе новостей театра