РусТатEng
Яңа татар пьесасы проекты

Кыскача

Драматургия өлкәсендә беренче конкурс 2004 елны Г.Камал исемендәге Татар дәүләт Академия театры инициативасы белән үтте. Хәзер конкурс ике елга бер мәртәбә үткәрелеп килә. Конкурсның жюри әгъзалары хөрмәтле әдәбиятчеылар, җәмәгать эшлеклеләре, сәнгать белгечләре, тәнкыйтьчеләр, режиссерлар, журналистлар һәм мәдәният, сәнгать эшлеклеләре.

Элемтә

Координатор:

Гиматова Гөлнур Фаут кызы

Тел.: 8 (843) 293 52 50

Email: kamalteatr@mail.ru 
2017 елның 6, 7 һәм 8 декабрендә Г.Камал исемендәге Татар дәүләт Академия театрының Кече сәхнәсендә “Яңа татар пьесасы-2017” конкурсы һәм лабораториясенең өченче этабына узган яшь драматургларның пьесаларын уку уза. Пьесалар режиссерлар җитәкчелегендә профессиональ актерлар тарафыннан укылачак.

Өченче этапка узучы яшь драматурглар исемлеге:

1.      Сөмбел Гаффарова

2.      Гүзәл Сәгыйтова

3.      Рәдиф Кашапов

4.      Энҗе Гыйззәтова

5.      Алинә Бикмуллина

6.      Миләүшә Имамназарова

7.      Алсу Газтдинова

Исегезгә төшерәбез, быел “Яңа татар пьесасы-2017” конкурсы беренче тапкыр лаборатория форматында уза. Моңа кадәр яшь драматурглар лабораториясенең беренче ике этабы: иҗади белем алу һәм пьесалар язу этаплары узды.

“Яңа татар пьесасы-2017” лабораториясе һәм конкурсы яшь талантлы авторларны ачыклау максаты белән үткәрелә. Конкурсны һәм лабораторияне гамәлгә куючылар: Татарстан Республикасы Мәдәният министрлыгы, Татарстан Республикасы Театр эшлеклеләре берлеге,  Г.Камал исемендәге Татар дәүләт Академия театры һәм Казан (Идел буе) Федераль университеты.

***

2004 елдан алып 2016 елга кадәр Г.Камал  исемендәге ТДАТ инициативасы һәм “Сетевая компания” ачык акционерлык җәмгыяте, шәхсән аның генераль директоры И.Ш.Фәрдиев ярдәме белән, Татарстанның Мәдәният министрлыгы катнашында ел саен "Яңа татар пьесасы" конкурсы уздырылды. 12 ел эчендә конкурс татар драматургиясенә дистәләгән яңа исем өстәде, аларның кайберләре актив куелышта булган репертуар авторларына әверелде; танылган драматургларның дәрәҗәсен тагын да ныгытты һәм аларның иҗатын үстерүгә этәргеч булды; 14 томнан торган пьесалар җыентыклары дөнья күрде, конкурста катнашкан 40тан артык пьеса профессиональ татар театрлары сәхнәләрендә, шулай ук башка республикаларда һәм СНГ илләрендә куелды; конкурс пьесалары күп кенә халык театрлары һәм театр студияләре репертуарларын баетты; конкурста катнашкан пьесаларга күп кенә республика һәм федераль басмаларда йөздән артык рецензияләр бастырылды. "Яңа татар пьеса"сы куйган бурычларына иреште дип, зур ышаныч белән әйтеп була: драматургия өлкәсендәге торгынлык җиңелде, яңа исемнәр ачылды, татар театры үсешкә көчле этәргеч алды. Шуның белән бергә, оештыручылар фикере буенча, соңгы елларда уздырылган конкурсларның нәтиҗәсе буларак, аның форматының яңартылуы сорала. Конкурсның аноним булуы сәбәпле, елдан ел яшь авторларның  камил булмаган пьесалары бәйгедән төшеп кала бардылар һәм күп кенә игътибарга лаек кызыклы башлангычлар сәхнә әсәрләре дәрәҗәсенә үсә алмадылар.  Шулай ук, әлегә кадәр конкурс яшь авторлар белән системалы рәвештә эшләүне күз алдында тотмады. Соңгы елларда чикләнгән җиңүчеләр исемлеге барлыкка килде. Нәтиҗә буларак, конкурсның форматын үзгәртү ихтыяҗы туды.

0
Подпишитесь на рассылку, чтобы быть в курсе новостей театра