Галиәсгар Камал музее ачылышы
Якшәмбе 22.08.2021
Кичә, 21 августта, Татарстан Республикасы Арча районының Сикертән авылында Галиәсгар Камал музее ачылды. Тантанада мәдәният министры урынбасары Хәкимҗанов Ленар Сәетҗан улы, Арча районы башлыгы урынбасары Мөхәммәтова Алсу Фирдәүс кызы, меценат, "Ак Барс Агро" агрокомплексы директоры Сәлахов Шәйдулла Имам улы, күренекле татар драматургының туганнары һәм Камал театры артистлары катнашты.
Музей ачылганнан соң, камаллылар Илгиз Зәйниев пьесасы буенча Ф.Бикчәнтәев сәнәләштергән "Бабайлар чуагы" спектаклен уйнадылар.
