Дуслар! Яңа 117нче сезон ачылыр алдыннан без Камал театры спектакльләреннән иң үзенчәлекле образга бәйге игълан итәбез. Конкурста катнашу өчен:

1. «Шәрык клубы» интерактив мультимедиа комплексына (Татарстан ур., 8) барырга. Икенче катта урнашкан виртуаль гример яки костюмнар бүлегендә үзегезгә образ сайларга, QR код ярдәмендә фотоны телефоныгызга күчереп алырга.

2. Фотосурәтне безнең ВКонтакте төркемендәге альбомга урнаштырырга. Фотосурәт астында исем фамилиягезне язырга. Бер катнашучыдан ике фотосурәт кабул ителә.

3. Фотосурәтне #камал_117_сезон, #камалтеатрыняратам, #Шәрыкклубы хэштэглары белән үзегезнең ВК сәхифәгезгә урнаштырырга (сәхифә ачык булырга тиеш).

4. Г.Камал исемендәге Татар дәүләт Академия театры төркеменә кушылырга.

Бәйгене үткәрү этаплары:

8-25 август- эшләр кабул ителә;

26-28 август - жюри тарафыннан иң оригиналь 9 фотосурәт сайлап алына;

29 август - 7 сентябрь - театрның ВКонтакте төркемендә иң яхшы эш өчен тавыш бирү үткәрелә;

8 сентябрь - җиңүче игълан ителә.

Рәсми бүләкләү 9 сентябрьдә яңа 117нче сезон ачылган көнне булачак.

Бәйгенең төп призы - театрга һәм "Шәрык клубы"на ВИП абонементлар. Театрга Абонемент 117нче сезонның һәр премьерасына 2 кешегә чакыру билетларын үз эченә ала. "Шәрык клубы" абонементы сезон дәвамында комплексның теләсә кайсы чараларына 2 кешегә килү мөмкинлеге бирә. Уңышлар сезгә!