Пушкин картасы буенча билет алучыларга икенче билет бүләккә бирелә
Пәнҗешәмбе 01.09.2022
Без уникаль акция игълан итәбез! 1 сентябрьдән Пушкин картасы буенча Камал театры спектакльләренә билет сатып алучыларга икенче спектакльгә чакыру билеты бүләк ителә! Сатып алынган бер билетка бер чакыру билеты каралган.
Акция шартлары буенча билетларны 9-30 сентябрьдә күрсәтеләчәк спектакльләргә алырга кирәк. Акциядә катнашучылар Пушкин картасы буенча сатып алынган билетны театрга кергәндә күрсәтәләр һәм сентябрьнең башка спектакльләренә чакыру билеты алалар. Чакыру билетлары ишек янында торучы администратор тарафыннан бирелә.
Акция 30 сентябрьгә кадәр дәвам итә. Театр администрациясе акция шартларына үзгәрешләр кертү хокукына ия.
