"Шәрык клубы" Сәнгать төнендә катнашачак
Чәршәмбе 26.10.2022
4 ноябрьдә унберенче тапкыр «Сәнгать төне 2022» Бөтенроссия мәдәни-мәгариф акциясе уза. Акциядә «Шәрык клубы» татар театры тарихының интерактив мультимедиа комплексы да катнаша. Бу көнне комплекста XX гасыр башы атмосферасы булдырылачак. Камал театры артистлары «Көнчыгыш клуб» эшлеклеләрен гәүдәләндерәчәк: Габдулла Тукай, Салих Сәйдәшев, Габдулла Кариев, Сәхибҗамал Гыйззәтуллина-Волжская һәм башкалар. Театр оркестры солистлары комплексның һәр катында музыкаль номерлар башкарачак.
"Шәрык клубы" ХХ гасыр башы татар интеллигенциясе берләшмәсенең тарихи бинасында урнашкан. 1911 елның ноябреннән анда "Сәйяр" беренче профессиональ татар труппасының стационар сәхнәсе булдырыла. Сәнгать төне вакытында артистларыбыз һәм музыкантлар тамашачыларны 100 ел элек булган атмосферага күмәчәк. Комплека килүчеләрне яңа иммерсив театр тәҗрибәсе көтә дип әйтсәк тә була", - диде Г.Камал исемендәге ТДАТ директоры Илфир Якупов.
Акция 20.30 сәгатьтә башлана. Экскурсиянең озынлыгы 35 минут.
Өстәмә мәгълүмат +7 843 200-12-37 телефоны яки электрон почта аша: sharyk@kamalteatr.ru
Адрес: Татарстан ур., 8.
