Гюльвердиева Гүзәл Агагардаш кызы
Гюльвердиева Гүзәл Агагардаш кызы 1993 елның 30 маенда Татарстанның Саба районы Байлар Сабасы авылында туа. 2013 елда Казан театр училищесын тәмамлый һәм Галиәсгәр Камал исемендәге Татар дәүләт Академия театрында эшли башлый. Сөйкемле, җырлау осталыгы булган артистка.
Тәүге рольләре: Феникс кошы – “Хан кызы Турандык” (К.Гоцци); Мәйсәрә, Малай – “Зәңгәр шәл” (К.Тинчурин); Хәмди – “Банкрот” (Г.Камал); Дүрткүз – “Авыл эте Акбай” (Т.Миңнуллин); Галиябану – “Галиябану” (М.Фәйзи); Алия – “Бабайлар чуагы” (И.Зәйниев), Гөлчирә – “Бармы ришвәткә дәва?” (З.Хәким). Шулай ук театр спектакльләренең күмәк күренешләрендә катнаша.
