Камал театры казан экскурсоводлары өчен мастер-класслар оештыра
Җомга 17.06.2022
20 июньнән 24 июньгә кадәр "Шәрык клубы" интерактив мультимедиа комплексында Казан экскурсоводлары өчен актерлык осталыгы һәм сәхнә сөйләме буенча мастер-класслар узачак. Тренинглар оештыру идеясы 25 майда туроператорлар катнашында комплекс буенча үткән тур вакытында туды.
Мастер-классларны Татарстан Республикасының халык артисты Радик Бариев, Татарстан Республикасының атказанган артистлары Миләүшә Шәйхетдинова, Ришат Әхмәдуллин, шулай ук режиссер Рамил Гәрәев үткәрәчәк.
Чаралар Татарстан Республикасының туризм буенча Дәүләт комитеты белән хезмәттәшлектә уза.
