Ибраһимова Наилә Нургазиз кызы

Татарстанның атказанган артисты — 1991, Татарстанның халык артисты - 2010

Ибраһимова Наилә Нургазиз кызы 1945 елның 5 августында Татарстанның Лаеш районы Атабай авылында туа. 1968 елда Казан театр училищесын тәмамлый һәм Татар академия театрында эшли башлый. Төрле характердагы образлар иҗат итә.

Рольләре: Эльвира — «Туй алдыннан» (Х.Вахит); Гөлбану — «Татар хатыны ниләр күрми» (Г.Ибраһимов); Малай — «Зәңгәр шәл», Бибинур — «Казан сөлгесе» (К.Тинчурин), Фаншетта — «Фигароның өйләнүе» (П.Бомарше); Фәрештә — «Әлдермештән Әлмәндәр», Нурания — «Монда тудык, монда үстек», Алтынчәч — «Әниләр һәм бәбиләр», Эльмира — «Хушыгыз!», Людмила — «Шәҗәрә», Нурзидә Мөбәрәковна – «Алты кызга бер кияү» (Т.Миңнуллин); Нәкыя — «Миңлекамал» (М.Әмир); Бәдыйга — «Галиябану» (М.Фәйзи); Беренче хатын — «Зөләйха» (Г.Исхакый); Әкълимә — «Әбиләргә ни җитми» (Ф.Бүләков); Синьора Капулетти — «Ромео һәм Джульетта» (В.Шекспир); Элен — «Гаугалы гаилә» (Эд. де Филиппо); Хәнифә — «Баскетболист» (М.Гыйләҗев) һ.б.