Люстра
Автор: Илгиз Зәйниев
12+
Комедия 2 бүлектә. Спектакль 2 сәгать 30 минут бара.
Спектакльнең премьерасы 2008 елның 28 июнендә булды.
Театр репертуарында: 2008-2012.
Кырык яшьтә гашыйк булырга мөмкинме? Инде ике тапкыр өйләнеп тә, үзенең бәхетен таба алмаган юл төзүче Марс белән бер тапкыр да кияүгә чыгып карамаган сәер исемле китапханәче Эльфа арасында мәхәббәт хисләре туа аламы?
Менә Марсның фатирында әле генә түшәмгә элеп куелган бәллүр люстрасы идән уртасына төшеп, челпәрәмә килә. Бу ашык-пошык төзелгән хрущевканың сыйфатсызлыгымы, ә бәлки бу вакыйга, киресенчә, әсәрнең геройларына язмыш бүләгедер. Ярсуын тыярга тырышып өске каттагы фатирның кыңгырау төймәсенә баскан Марсны ишек артында ни көтә соң?
