Мөхәммәтҗанов Фәннүр Фәнис улы

Татарстанның атказанган артисты - 2022
Татарстанның М. Җәлил исемендәге республика бүләге лауреаты - 2023

Мөхәммәтҗанов Фәннүр Фәнис улы 1992 елның 22 мартында Татарстанның Мамадыш районы Урта Кирмән авылында туа. 2012 елда Казан театр училищесын тәмамлый һәм Галиәсгар Камал исемендәге Татар дәүләт Академия театрында эшли башлый. Иҗат иткән образлары табигый, тормышчан.

Беренче рольләре: Илдус – “Мәхәббәт FM”, Сарык – “Кәҗә, сарык һ.б.” (И.Зәйниев); Сачтараш – “Хуҗа Насретдин” (Н.Исәнбәт, С.Ваннус); Актүш – “Авыл эте Акбай” (Т.Миңнуллин); Эдвард – “Ричард III” (У.Шекспир); Хәлил – “Галиябану” (М.Фәйзи) һ.б. Шулай ук театр спектакльләренең күмәк күренешләрендә катнаша.