Описание спектакля
Спектакль 1 сәг. 40 мин. бара.
Спектакльнең премьерасы 2015 елның 7 ноябрендә булды.
Мәңгелек әкиятләр искерми, еллар үткән саен алар яңача укыла. Камал театрының “Кәҗә, сарык һ.б.” спектаклендә дә нәкъ шулай ук. Пьесаның авторы Илгиз Зәйниев Г.Тукайның “Кәҗә белән сарык” һәм башка әкиятләренә мөрәҗәгать итә. Әгәр хуҗалары Карт белән Карчык Кәҗә белән Сарыкны өйләреннән куып чыгаргач, алар Су анасын очратса ни булыр? Яки Шүрәлене? Ә Кызыклы шәкерт - Акбай белән дуслашсалар?... Энергияләре ташып торган яшь артистлар башкаруындагы җырлы, биюле, музыкаль әкият балаларны да, аларның әти-әниләрен дә битараф калдырмас. Спектакль заман баласының психологиясен исәпкә алып куелган. Аларга бер-бер артлы өзлексез барган вакыйгалар агышын кабул итү авыр бирелә. Шуңа күрә спектакль махсус фрагментларга бүленгән, ә геройлар, Кәҗә белән Сарык вакыйгасын сәхнә белән залның уртак уенына әверелдерер өчен, тамашачыларны да әкияттәге маҗараларда катнашырга өндиләр.
Действующие лица
Сабирҗанов Алмаз Реваль улы
Кәҗә
Мөхәммәтҗанов Фәннүр Фәнис улы
Сарык
Хәмәдинурова Гөлчәчәк Шамил кызы
Әби, Су анасы
Шәмсуаров Раил Наил улы
Бабай, Шүрәле
Закиров Илнур Ильяс улы
Акбай
Абашева Айгөл Муса кызы
Күк сыер
Шәйдуллин Артур Ралиф улы
Бүреләр
Шәмсуаров Раил Наил улы
бүреләр
Кашапов Ирек Рәфис улы
Бүреләр
Закиров Илнур Ильяс улы
Бүреләр
Шәкүрова Айгөл Эльвард кызы
Бүреләр
Гюльвердиева Гүзәл Агагардаш кызы
Әби, Су анасы
Авторы
Фотогалерея
