Дивана / Одержимый
Автор: Туфан Миңнуллин
Трагифарс 2 бүлектә.Спектакль 2 сәгать 30 минут бара.
Спектакльнең премьерасы 2007 елның 7 декаберендә булды.
Театр репертуарында: 2007-2012.
Шәһәрдә укучы авыру улын әнисе авылга алып кайта. Егетнең башында бары тик бер уй - барлык кешелек дөньясын бәхетле итү. Көне-төне ул бөек философларның хезмәтләрен өйрәнеп, аларга охшарга тырышып, үзенең хыялын тормышка ашыру юлларын эзли. Улын чиксез яратучы ана да, егетнең фикерләре белән тулысынча килешүче күрше карты да, дөньяга бөтенләй башка күзлектән караучы абыйсы да, һәркайсы үзенчә аңа ярдәм итәргә тырыша. Менә шул вакытта егетнең болганчык дөньясына гадәти бер авыл кызы килеп керә...
