Әрем исе / Запах полыни
Автор: Илгиз Зәйниев
12+
Мелодрама. Спектакль 2 сәг. 30 минут.
Спектакльнең премьерасы 2013 елның 23 маенда булды.
Театр репертуарында: 2013-2019.
Пьеса “Яңа татар пьесасы 2012” конкурсында 1 премия яулады.
Адәм баласы гомере буе нидер эзли: бәхетен, мәхәббәтен, яшәү мәгънәсен, үзен... Сәфәр дә 35 ел элек шул уйлар белән туган авылын, үзен яраткан һәм аннан бала көткән сөйгән кызын, якыннарын ташлап беркемгә бер ни дә аңлатмыйча чыгып киткән. Бүген ул кире әйләнеп кайта. Эзләгәнен тапканмы соң ул? Кайчандыр аңа якын булган кешеләр: аны өзелеп сөйгән Сара, Сараны хурлыктан саклап калу өчен аңа өйләнгән дусты Марат, гомере буе Сәфәргә яшерен сөю белән янып йөргән Рузия, аңа гомумән таныш булмаган оныгы Нурзилә белән уртак тел таба алырмы ул? Кем алар хәзер бер-берләре өчен? Бәлки Сәфәр әрем исен үлеп яратканга, үзенең дә, якыннарының да язмышлары ачыдыр?
