Описание спектакля
Спектакль 1 сәгать бара.
«Томан» — театр һәм җәмәгать эшлеклесе, «Калеб» иҗат берләшмәсенә нигез салучы Гүзәл Сәгыйтованың дебют пьесасы. Ул «Яңа татар пьесасы» бәйгесенең беренче драматургия лабораториясе эше нәтиҗәләре буенча сайлап алынды.
Премьера 2019 елның 22 октябрендә театрның «Яшьләр сишәмбесе» проекты кысаларында узды.
Лаборатория һәм «Яңа татар пьесасы» бәйгесе яңа исемнәр, яңа темалар һәм драматургик телнең яңа формаларын ачуны максат итеп куя. Г. Сәгыйтованың «Томан »ы - хәзерге заман җәмгыятенең кычкырып әйтергә күнегелмәгән авырткан нокталарына басучы яңа һәм кызыклы әсәр.
Спектакльнең геройлары - үзен галим дип атаучы карт һәм яшәү мәгънәсен эзләүче яшь хатын. Алар бер-берсенә охшаганнар. Куркуга буйсынып һәм ялгызлыктан газапланып, битарафлыктан җиңелеп һәм хәзерге дөньяның аяусызлыгыннан изелеп,алар тормышның мәгънәсен, аның чын кыйммәтләрен эзлиләр.
Действующие лица
Фотогалерея
