Суган чәчәге / Горький цвет
Автор: Илгиз Зәйниев
12+
Драма 2 бүлектә. Спектакль 2 сәгать 20 минут бара.
Спектакльнең премьерасы 2007 елның 7 нояберендә булды.
Театр репертуарында: 2007-2009.
Зур-зур исемнәр иясе, барлык дан-дәрәҗәгә ирешкән язучы-драматург Солтан Кадырхөрмәтовның дача йорты. Бүген дә аны монда, һәрвакыттагыча, балалары, туганнары, дус-ишләре уратып алган. Кадырхөрмәтевкә табынучылар арасында асылда сәнгать кешеләре– режиссер, рәссам, музыкант, артистлар. Чын күңелдән зурлыйлармы алар Кадырхөрмәтевне, әллә нидер өмет итепме, ә бәлкем, аларны монда күбрәк зыяны тиюдән курку китерәдер. Солтанның читтә үскән улы “Суган чәчәге” дигән пьеса язган. Ул атасының бик күп җитешсезлекләрен ачып сала. Сәнгать бакчасында кайчандыр эре, тәмле алмалары белән дан казанган алмагач–Кадырхөрмәтевнең бүгенгесе көндә вак алмалар белән генә калуын, инде котычкыч куе булып үскән алмагачның яшь үсентеләрне үстермичә, бөтен бакчаның көч-куатен үзенә генә тартып торуын исбатлый. Атасы мондый дөрес сүзләрне ишеткәч нишләр?
