Миркәй белән Айсылу / Миркай и Айсылу
Автор: Нәкый Исәнбәт
Спектакль 2 сәгать 10 минут бара
Спектакльнең премьерасы 2017 елның 5 ноябрендә булды.
Н.Исәнбәтнең "Миркәй белән Айсылу" спектакле Камал театры өчен үзенчәлекле әсәр. Бер-берсенә булган ихлас хисләре авыл картлары тарафыннан илгә килгән корылыкның сәбәбе дип табылып, рәхимсез җәзаларга дучар ителгән Миркәй белән Айсылуның мәхәббәт тарихыннан тыш, пьесаның театраль сюжеты да бар. Спектакльнең 1936 елда режиссер Гомәр Исмәгыйлев, рәссам Сперанский сәхнәләштергән беренче куелышы театр тормышында зур әһәмияткә ия һәм мөһим роль уйный. Кызганычка каршы, шул вакытта башланган репрессияләр яшь, перспективалы режиссерны Казаннан китәргә мәҗбүр итә. 30 елдан соң әсәр кабаттан сәхнәгә менә һәм аны күптән түгел генә баш режиссер итеп билгеләнгән яшь Марсель Сәлимҗанов куя.
Камал театрының әдәби бүлек мөдире, театр тәнкыйтьчесе Нияз Игъламов фикере буенча, нәкъ менә "Миркәй белән Айсылу" спектакле белән милли классиканы гәүдәләндерү принциплары барлыкка килә, сәнгать стиле формалашу һәм татар сәхнәсе реформаторы Марсель Сәлимҗановның триумфаль карьерасы башлана
.
"«Миркай и Айсылу» — это спектакль, где быт, проза уступают место народным поверьям, приметам и предрассудкам («прелюбодеи виноваты в засухе»), здесь одним из элементов драматургии становится музыка талантливейшего Эльмира Низамова, светлая и трагичная. И все вместе рождает новую реальность, поэтическую, образную. И трагический финал воспринимается светло, потому что души влюбленных омылись в прохладе струй реки и навеки соединились".
Татьяна Мамаева, "Реальное время"
Бүген “Миркәй белән Айсылу”да – җәмгыять һәм кеше каршылыгы. Монда мәхәббәт беренче планда түгел. Яңгырга сусаган авылга корбан кирәк. Һәм корбан табыла да. Ул – Миркәй белән Айсылу мәхәббәте.
Гөлинә Гыймадова, "Ватаным Татарстан"
Чын мәхәббәтнең тамырына балта чабып, гашыйкларны чын мәгънәсендә тилертү өчен нәрсә кирәк? Бер сүз. Бер сүз кеше тормышының астын-өскә китерергә, ике йөрәкне бер-берсеннән аерырга җитә кала. Җырда да бит «Бер сүз җитә кеше җанын яраларга, бер сүз җитә шул ярадан араларга», дип җырлыйлармы әле?! Әнә, Миркәй белән Айсылуны бер-берсеннән аеру өчен дә бер гөнаһсызга яла ягу җитә кала. Ә бит бик бәхетле булып яшисе иде дә, яшисе иде…
Алинә Минневәлиева, "Ялкын"
Чыннан да, Нәкый Исәнбәт әсәре бүген дә җәмгыятьнең авырткан җирләрен фаш итә. «Миркәй белән Айсылу»да аталар һәм балалар, байлар һәм ярлылар каршылыгы, бәхетсез мәхәббәт, халык өеменә каршы тору кебек мәңгелек темалар чагылыш тапкан. Әйтерсең драматург, ничә еллар узгач та, кешелекне шул ук проблемалар борчыячагын ап-ачык күргән. Тикмәгә генә Нәкый Исәнбәтне татар Шекспиры димәгәннәрдер инде. Автор гына түгел, режиссер да шул чор тарих яссылыгын безнең заманга тәңгәлләштереп сәхнәгә куюга ирешкән.
В главном национальном театре республики прошли премьерные показы спектакля «Миркай и Айсылу» по пьесе «татарского Шекспира» Наки Исанбета. Зрелищная постановка Ильгиза Зайниева поднимает острые вопросы и выносит безжалостный вердикт гражданскому обществу.
Алексей Киселев, «БИЗНЕС Online»
Профессиональная команда постановщиков и потрясающая игра актеров позволяют с упоением наблюдать даже за самой несправедливой историей.
Римма Хафизова, журнал "Идель"
